ကျွန်မကသိပ်ပြီးမစည်ကားလှတဲ့နယ်မြို့လေးတစ်မြို့ကပါ
သိပ်ပြီးမစည်ကားဘူးဆိုပေမယ့်ထင်ရှားတဲ့မြ်ို့လေးတစ်မြို့ကပေါ့
ကျွန်မတို့မြိ့လေးကသိပ်ပြီးတောမကျပါဘူး။
နှစ်စဉ်ပျော်ပွဲရွှင်ပွဲတွေလုပ်လေ့ရှ်ိတယ်။happy new year တို့
ခရစ်စမတ်တို့လိုပွဲတွေကိုလည်းစည်စည်ကားကားလုပ်ကြတယ်။ငယ်ငယ်လေးကတည်းကအဲဒီလိုပွဲတွေကိုသွားလေ့မရှိပေမယ့်ပြီးခဲ့တဲ့
၂ဝ၁ဝ new year party ကိုကျောင်းကသူငယ်ချင်းတွေနဲ့
အိမ်ရှေ့အိမ်ကအမတို့လင်မယားကခေါ်တာနဲ့သွားဖြစ်ခဲ့ပါတယ်။
သူတို့ခေါ်တာနဲ့သွားတာတော့မဟုတ်ပါဘူး။ကျွန်မကအခုအသက်(၁၉)နှစ်ရှိပြီး()မေဂျာဒုတိယနှစ်တက်နေပါတယ်။ကျွန်မဟာအကောင်းအဆိုးကိုကိုယ်တိုင်ခွဲခြားဆုံးဖြတ်နိုင်တဲ့အရွယ်ရောက်နေပြီလို့
ကိုယ့်ကိုယ်ကိုယုံကြည်ပါတယ်။ဒါကြောင့်ကိုယ့်ဆုံးဖြတ်ချက်နဲ့ကိုယ်သွားခဲ့တယ်လို့ဆိုရမှာပါ
ဟိုရောက်တော့မိန်းကလေး၊ယောက်ျားလေးတွေစုဖွဲ့နေကြပြီး
ဘီယာတွေသောက်နေကြပါတယ်။ကျွန်မကမသောက်ပါဘူး။မကောင်းဘူးလို့ယူဆလို့မသောက်ပဲနေခဲ့တာပါ။
အဲဒီပွဲမှာတွေ့တဲ့ရွယ်တူကောင်မလေးသူငယ်ချင်းတွေကကျွန်မကိုတွေ့တော့ခွက်မြောက်ပြကြတယ်
သောက်မလားလို့ပေါ့..ကျွန်မခေါင်းကိုတစ်ကြိမ်ခါပြလိုက်တယ်။
နောက်တော့သူငယ်ချင်းတွေအုပ်စုလိုက်ရောက်လာကြပြန်တယ်...
သူတို့ပုံစံတွေကမသောက်မနေရသောက်စေချင်တဲ့ပုံစံတွေပြလာကြတယ်။
ကျွန်မလေ..ဘေးဘီကိုအားကိုးရှာပြီးလှည့်ကြည့်တော့အိမ်ရှေ့ကအမတို့လင်မယားကိုတွေ့လိုက်တယ်ကျွန်မဘာဖြစ်နေတယ်ဆိုတာသူတို့အစအဆုံးတွေ့နေ့တာပဲ...ဒါနဲ့သူတို့လင်မယားကအေးအေးဆေးဆေးပဲပြောလိုက်ပါတယ်
..သောက်လိုက်ပါညီမရယ်......ခင်လို့တိုက်တာပဲကို..... ကျွန်မခင်တဲ့လူတွေကပါကျွန်မကိုသောက်စေချင်နေတယ်။ကျွန်မဘာလုပ်ရမလဲ.....
ကျွန်မမသောက်ခဲ့ပါဘူး...
အဲဒီမှာကျွန်မပြောချင်တာက
ကျွန်မနေရာမှာတစ်ခြားတစ်ယောက်ယောက်သာဆိုရင်?????????
ကျွန်မမှာကိုယ်ပိုင်ဆုံးဖြတ်နိုင်တဲ့အသိဥာဏ်ရှ်ိပါတယ်။
ပြီးတော့အကောင်းအဆိုးကိုခွဲခြားနိုင်တဲ့အသိဥာဏ်ရှိပါတယ်။
အဲဒါတွေနဲ့ရွယ်တူတွေရဲ့ဖိအားအကျပ်အတည်းကရုန်းနိုင်ခဲ့တာပါ။ကျွန်မသာမဟုတ်ပဲတစ်ခြားမိန်းကလေး၊ဒါမှမဟုတ်ယောက်ျားလေးတစ်ယောက်သာဆိုရင်..ငြင်းရမှာအားနာလို့သောက်ဖြစ်ခဲ့ရင်...........
. ကျွန်မတို့မြို့လေးမှာတက္ကသိုလ်မရှိပါဘူး။ပြည်နယ်တက္ကသိုလ်ကိုသွားတက်ရပါတယ်။အဲဒီကမိန်းကလေးအဆောင်တွေမှာဆိုရင်ပုလင်းတွေထောင်ထားတာမနည်းပါဘူး။
မိန်းကလေးတန်မဲ့အရက်သမားတွေဘီယာသမားတွေဖြစ်နေကြပါတယ်။အစကတိုက်တာအလကားပါ၊
လည်သောက်၊တည်သောက်နောက်တော့ဝယ်သောက်အဆင့်ထ်ိပါတိုးပြီးအရက်သမားဖြစ်ကုန်ကြတာမနည်းပါဘူး။
အရက်မူးနေတဲ့မိန်းကလေးတစ်ယောက်ရဲ့အပြုအမူအပြောအဆိုတွေဟာဘယ်လောက်တောင်လူမြင်ကောင်းနေသလဲ.....စဉ်းစားကြည့်...
အဆောင်နေပြီးကျောင်းသွားတက်နေတယ်လို့ပဲသိထားတဲ့မိဘတွေ
သိရင် ရင်ကျိုးပြီပဲ.......................
………………………………………………………………………………………………………………………
ဒါတွေကိုဘယ်လိုကာကွယ်ရမလဲ....သူများတိုက်တွန်းလိုလုပ်ဖြစ်တာမျိုးမဟုတ်ပဲ
ကိုယ်ပိုင်ဆုံးဖြတ်ချက်ချပြီးကောင်းတယ်ဆိုးတယ်ခွဲခြားပြီးဆုံးဖြတ်နိုင်စေချင်တယ်။
အရက်၊ဘီယာသောက်တာကောင်းတယ်မကောင်းဘူးကိုပြောတာမဟုတ်ဘူးနော်။
တကယ်တမ်းအရက်သမားဖြစ်သူများ(အရက်စွဲ)သူများကိုကြည့်ရင်
ကောင်းတယ်မကောင်းဘူး၊ဒါသောက်လိုက်လို့နောက်ဖြစ်လာမယ့်နောက်ဆက်တွဲတွေကို
စဉ်းစားဝေဖန်နိုင်တဲ့အသိဥာဏ်ပိုင်းဆိုင်ရာအားနည်းသူများကအများဆုံးဖြစ်ကြတာကိုတွေ့နိုင်ပါတယ်။
အဲဒီလိုစဉ်းစားတွေးခေါ်နိုင်မှုနည်းတဲ့လူတွေရဲ့ရာခိုင်နှုန်းအများဆုံးဟာ
ငယ်စဉ်ကအပြင်စာဖတ်မှုအလွန်နည်းပါးသူတွေနဲ့လုံးဝနီးပါးမဖတ်သူတွေဆိုတာတွေ့ရပါတယ်။
စာအုပ်များများဖတ်သူတွေနဲ့စာဖတ်နာသူတွေဟာ
စကားလုံးကြွယ်ဝသလိုရွယ်တူတန်းတူတွေကိုလည်းလွှမ်းမိုးနိုင်တာတွေ့ရပါတယ်။ရွယ်တူပတ်ဝန်းကျင်ရဲ့
ဖိအားလောက်တော့အေးဆေးပေါ့။ဖိအားတွေပေးတတ်တဲ့ပတ်ဝန်းကျင်ကိုကျွန်မတို့ပြုပြင်ဖို့ကြိုးစားရင်တော့
မောရုံပဲအဖတ်တင်မယ်ဆိုတာတွေးမိပါရဲ့။
ဒီတော့ကျွန်မတို့တွေသေချာစဉ်းစားဖို့လိုလာပါပြီ။
နည်းပညာတိုးတက်နေတဲ့ဒီခေတ်မှာစာဖတ်သူဦးရေထက်
ဒီဗွီဒီတို့ဗွီစီဒီတို့ဂီမ်းစက်ဆိုတာတွေနဲ့ပဲအချိန်ကုန်တဲ့လူတွေများလာပါပြီ။
စဉ်းစားတွေးခေါ်နိုင်နဲ့အသိဥာဏ်ကိုပေးနိုင်တဲ့အခိုင်မာဆုံးအရာဟာ
စာဖတ်ခြင်းအလေ့အထလို့ကျွန်မကိုယ်တိုင်ကလေးလေးနက်နက်ခံယူထားခဲ့ပါတယ်။
ဒါကြောင့်လည်း
ကျွန်မတို့ပတ်ဝန်းကျင်ကညီတွေညီမလေးတွေနဲ့ကလေးတွေကိုလက်လှမ်းမှီသလောက်
စာဖတ်ခြင်းအလေ့အထပွားများအောင်လုပ်နိုင်မယ်ဆိုရင်ဖြင့်..
အဲဒီလိုကိစ္စတွေတော်တော်လေးငြိမ်းအေးပြီးကလေးတွေရဲ့
အနာဂါတ်ကိုတစ်စိတ်တစ်ပိုင်းတော့စိတ်ချထားနိုင်မယ်ထင်ကြောင်းကိုထပ်လောင်းပြီး
ဆွေးနွေးလိုက်ပါတယ်ရှင်......................
No comments:
Post a Comment